Зошто да не работите со членови на семејството или со пријателите?

Слобода

Можни се ситуации кога вашите пријатели или семејство ќе очекуваат поголема лична и професионална слобода што не ја очекувате во некои други околности.
Пропуштени или доцни пристигнувања, чести одмори, рано одење дома или мешање во одлуки и деловни активности, повеќе отколку што дозволува нивната позиција. Овие се само некои од потенцијалните ситуации што можат да доведат до конфликти, па дури и пад на продуктивноста, а вашите други соработници може да забележат промени кои влијаат на целиот тим.

Емоции

Без оглед колку и да се обидете едноставно, не можете да ја избегнете реалноста дека емоциите се дел од секоја врска и тој факт може да доведе до неред во работното опкружување.
Давањето конструктивна критика во работното опкружување е дел од секојдневниот живот, меѓутоа, кога станува збор за приватни односи, луѓето ги сфаќаат некои ситуации лично. Многу мал процент на луѓе успешно можат да балансираат помеѓу деловното и приватното и се во можност целосно да ги раздвојат овие две нивоа.

Очекувања

Во желбата да се избегнат засрамувачки ситуации со други работници, односно не сакате да оставите впечаток на привилегирана индивидуа во редовите, така што како резултат ставате премногу одговорност на грбот на вашиот роднина или пријател.
Ова создава дополнителен стрес а тој веројатно нема да го цени напорот што го вложувате во него. Или обратно, можеби ќе сакате да го поштедите вашиот близок затоа што сте свесни за одредена тешка состојба низ која поминува во нивниот приватен живот. Ако почнете да ги пренесувате неговите одговорности на другите колеги, реакциите нема да бидат безопасни.

Давање отказ

Стигнавте до тој степен кога сериозно размислувате за тоа како треба да отпуштите личност блиска до вас во вашиот приватен живот.
Знаете дека ова е единствениот вистински чекор што можете да го преземете, но се прашувате како тоа ќе влијае на вашето дружење или семејните собири? Веројатно не е добро.
Некогаш сте ја сакале оваа личност, но сега се наоѓате во ситуација кога има премногу незадоволство од обете страни и губите вработен и пријател во едно. Вие се соочувате со проблем и не се колебате со решението што на крајот влијае на вашиот деловен сегмент.

Понекогаш животните околности нè принудуваат да правиме потези што се неизбежни, па толку многу луѓе се наоѓаале во ситуации кога немале друг избор освен да работат со членовите на семејството или пријателите. Некои нашле хармонија и среќа во тоа, затоа што ништо не е невозможно ако се потрудиме доволно да се разбереме, но огромното мнозинство доживеале дополнителен стрес и загуби.
Затоа, не се брзајте со одлуката и размислете за приватната среќа што произлегува од блиските односи, затоа што тоа е основа на мотивација и исполнување и во деловниот сегмент од вашиот живот.

 Извор на слика: Unsplash, Pexels