Како да одберете име за својот бизнис?

Кога станува збор за имињата на компаниите, повеќето луѓе би сакале да се истакнат во морето на другите и се обидуваат тоа да го постигнат на повеќе начини: со употреба на странски или оригинални зборови или со комбинирање на повеќе, необични зборови како што е Пан-Пек.
Прво, треба да одлучите колку ќе биде необично вашето име.

Земете скала од 1-10, каде што број еден е вообичаен збор како „Куќа“, а под бројот десет е зборот „Хулу“. Кој е вашиот избор, вообичаен или екстремен? Ниту еден не е погешен, но веројатно најдобриот избор за повеќето е златната средина.
Да почнеме од почетокот, пред да го запечатите името на вашата компанија или проект и да го претставите на остатокот од светот, разгледајте неколку фактори:

Истакнување и конкуренција

Во зависност од тоа што рекламирате и каква услуга ќе понудите, можете да го процените процентот на необичноста на изборот со кој сакате да почнете.
Необичното име повеќе ќе одговара на производи и компании што се рекламираат во поширока област, преку разновидни канали, од оние што се фокусираат на потесна, локална област. Размислете и за вашата конкуренција или нејзината важност.
Ако планирате да го рекламирате вашиот производ во поширока област, невообичаено име на компанијата може да ви штеди тужби за копирање на името на некој друг.
Бидете внимателни, не избирајте премногу комплицирано име што не може лесно да се изговори, затоа што долгорочно кул име не е гаранција за успех, но затоа лошото име може да ве уништи.

Поврзување со „брендот„

Можеби поважно од изборот на уникатен збор што ќе ве претставува вас и вашиот производ е поврзувањето со „бренд“.
Ако најдете збор кој има подлабоко значење за вашиот бизнис, ќе ја заокружите приказната и ќе оставите впечаток кај публиката.
Паметен маркетинг потег што ќе ве одвои од вашата конкуренција е секако одговорот на прашањето „Како го смисливте името?“, што не е само затоа што ви се допадна зборот, туку објаснување за вашиот бизнис, сумирано во насловот.  

Извор на слики: Unsplash, Pexels