Дали размислувате за работа од дома? Прочитајте што треба да знаете.

Замислете да се разбудите наутро и да не мора да брзате за во канцеларијата, туку одите до фрижидерот, седнувате на каучот и го отворате лаптопот.
Луѓето го поврзуваат работењето од дома со мирна, безбедна атмосфера при што можете да одморите од работата во секое време и да се вратите кога вам ви одговара. Иако во теорија звучи идилично, не е сè како што изгледа на почетокот.
Секој работодавец кој ви нуди работа од дома како опција, ќе очекува од вас да ги исполните роковите во дадените временски рамки затоа што тоа не е хоби туку деловен однос. 

Според податоците објавени од Owllabs во САД за 2019 година, 34% од работниците биле подготвени да се согласат на 5% намалување на готовина; 24% би се согласиле на намалување на 10%; а 20% би добиле повеќе од 10%. Причините зошто работниците сакаат да ја завршат својата работа од далечина не се изненадувачки: подобра рамнотежа помеѓу работата и животот (91%), зголемена продуктивност/подобар фокус (79%), помалку стрес (78%) и избегнување на патувањето (78%).
Ако размислувате за оваа опција, погледнете ја ситуацијата од неколку агли и прочитајте некои од предностите и недостатоците што ги носи.

Предности

Самостојност

Работата од дома ќе ви овозможи поголема самостојност, подобар фокус и концентрација. Ќе се научите да се потпирате врз себе и своите организациски вештини, што не е мала работа во развојот на вашата кариера.

Продуктивност

Сè додека не ја искористите слободата на организирање, всушност можете да бидете многу попродуктивни од дома. Не трошите време да комуницирате со колегите, никој не ве прекинува во вашата работа и не ви ја пореметува вашата концентрација.

Флексибилност

Флексибилни сте во организирањето на работното време и сами утврдувате кога започнува и завршува работниот ден. Вие најдобро го познавате вашиот биоритам и според тоа може да го одредите времето кога сте најпродуктивни.

Формална облека

Повеќето од нас треба да дојдат на работа соодветно облечени, што зависи од работното место и политиката на компанијата за која работите. Работата од дома ви овозможува удобност, кое доаѓањето до канцеларија го ограничува до одреден степен.

Недостатоци

Чувство на изолација

Можеби немате такво чувство додека доаѓате во канцеларија, но соработката со колегите многу влијае на вашата работа. Секојдневните разговори за работата и проблемите со кои се соочувате, како и навиките на другите колеги што понекогаш ги применувате во работната пракса, отсуствуваат кога не сте во секојдневен контакт.

Пристап до ресурси

Многу е полесно да пристапите кон решавање на проблеми или да измислите нови проекти кога сите ресурси што ви се потребни ви се на дофат на раката. Понекогаш таквата состојба може да доведе до непотребна фрустрација и одложувања во извршувањето на задачите.

Дисциплина

Кога го организирате работното време, потребна ви е доза на дисциплина и самоконтрола. За многумина, овој вид работа носи повеќе проблеми затоа што тие се оставени сами на себе и мораат да одолеат на надворешните фактори што ги попречуваат, како на пр. миленичиња или интересна содржина на интернет што нема никаква врска со работата.

На крајот на денот, одлуката зависи од вас и пред да одлучите за такво нешто, измерете ги позитивните и негативните страни, бидете искрени со себе и вашите можности и движете се смело во која било насока да одлучите. 

Извор на слика: Pexels